भारतमा थप १२ हजार बढीमा कोभिड

एजेन्सी / भारतमा पछिल्लो २४ घण्टामा १२,२४९ नयाँ कोभिड संक्रमित थप भएका छन् । यससँगै संक्रमितको संख्या ४ करोड ३३ लाख ३१ हजार ६४५ पुगेको बताइएको छ । केन्द्रीय स्वास्थ्य मन्त्रालयको तथ्यांकअनुसार देशमा सक्रिय संक्रमितको संख्या बढेर ८१ हजार ६८७ पुगेको छ ।
भारतमा बुधबार कोभिडबाट १३ जनाको मृत्यु भएको छ । यससँगै कोभिडबाट मृत्यु हुनेको संख्या ५ लाख २४ हजार ९०३ पुगेको छ । कुल संक्रमितको शून्य दशमलब १९ प्रतिशत सक्रिय संक्रमित छन् ।
राष्ट्रिय कोभिड संक्रमणमुक्त दर ९८ दशमलब ६० प्रतिशत रहेको स्वास्थ्य मन्त्रालयले जनाएको छ ।