चितवनमा माछा मार्ने क्रममा डुबेर एकको मृत्यु

चितवन / भरतपुर–१ बागेश्वरीस्थित जमेको पोखरीमा माछा मार्ने क्रममा डुबेर एक जनाको मृत्यु भएको छ । शुक्रबार विहान १०ः३० बजेको समयमा पोखरीमा डुबेर मृत्यु भएको जिल्ला प्रहरी कार्यालय चितवनले जनाएको छ ।
प्रहरीका अनुसार मृत्यु हुनेमा भरतपुर २ आँपटारी बस्ने वर्ष २४ का राम रिजाल हुन् । पोखरीमा बल्छी हानेर माछा मार्ने क्रममा बल्छी अड्किएपछि निकाल्ने क्रममा पोखरीमा डुबेर उनी बेपत्ता भएका थिए ।
उद्धार टोलीले दिनभर पम्पिङ सेटले उक्त पोखरीको पानी फालेपछि राति ९ बजे उनको शव फेला परेको जिल्ला प्रहरी कार्यालय चितवनले जनाएको छ ।