बाल यौन दुरूपयोग गरेको आरोपमा विद्यालय संचालक पक्राउ

काठमाडौं / कास्कीमा विद्यार्थीहरूमाथि बाल यौन दुरूपयोग गरेको आरोपमा प्रहरीले शुक्रबार विद्यालय संचालकलाई पक्राउ गरेको छ । माछापुच्छ्रे गाउँपालिका–४ स्थित ज्ञान ज्योती इङ्ग्लिस बोर्डिङ स्कुलका संचालकलाई ४८ वर्षीय रामचन्द्र शाहीलाई पक्राउ गरेको जिल्ला प्रहरी कार्यालय कास्कीले जनाएको छ ।
उनले आफ्नै विद्यालयमा विद्यार्थीहरूमाथि बाल यौन दुरूपयोग गरेको आरोप छ । जाहेरी परेपछि प्रहरीले उनलाई पक्राउ गरेको हो । उनीमाथि बाल यौन दुरुपयोग, अप्राकृतिक मैथुन तथा बालबालिका सम्बन्धी कसुरमा अनुसन्धान अघि बढाएको छ । कास्की जिल्ला अदालतबाट ५ दिन हिरासतमा राख्न प्रहरीले अनुमति पाएको छ ।