भरतपुर विमानस्थलको टावरनजिक आगलागी

चितवन / भरतपुर विमानस्थलको टावरनजिक बिजुलीको तारमा आइतबार बिहान करिब पौने चार बजे आगलागी भएको छ । उक्त आगलागी करेन्ट सर्ट भई एक्कासि लागेको बताइएको छ भने हाललाई टरेको छ ।
उक्त आगलागीबाट बिजुलीको तार, टेलिफोनको तार र इन्टरनेटको तारमा क्षति पुगेको जिल्ला प्रहरी कार्यालय चितवनका प्रवक्ता नरहरि अधिकारीले जानकारी दिए ।
प्रवक्ता अधिकारीका अनुसार समयमा नै आगो नियन्त्रणमा लिएकाले कुनै पनि क्षति हुन पाएन । आगलागी हुनासाथ जिल्ला प्रहरी कार्यालयबाट खटिएको प्रहरी टोली र दमकलको सहयोगमा बिहान ३ः५० बजे नियन्त्रणमा आएको उनले बताए ।