फिटनेश आइकन अक्षयकुमार : सामान्यदेखि बलिउड सेलिब्रेटी पनि प्रेरित

बलिउडका चर्चित अभिनेता अक्षय कुमार एक कलाकार मात्रै होइनन् फिटनेस आइकन पनि हुन् । उनी आफ्नो स्वास्थ्य, जीवनशैली र खानपानमा निकै ख्याल गर्छन् । सामान्य मानिस मात्र होइन बलिउड सेलिब्रेटीहरु पनि अक्षय कुमारको फिटनेसबाट प्रेरित छन् ।
अक्षय हरेक दिन बिहान ४ः३० बजे उठ्छन् । उनले आफ्नो दिनको सुरुवात कसरतबाट गर्छन् । उसको बिहानको कसरतमा स्विमिङ, योग, जिमिङ, मेडिटेसन लगायतका विभिन्न अभ्यासहरू समावेश छन् । तेक्वान्दोमा ब्ल्याक बेल्ट अक्षय मार्सल आर्ट विज्ञ हुन् । उसले आफ्नो दैनिकीमा मार्सल आर्ट पनि गर्ने गरेका छन् ।
अक्षयले सन् २०२० देखि शाकाहारी खाना खाइरहेका छन् । उनी कहिल्यै कुनै डाइट प्लान पालना गर्दैनन् । उनी परम्परागत भारतीय खाना रुचाउँछन् । अक्षयले धेरै अन्तरवार्तामा आफूले सबै खानेकुरा सही मात्रामा र सही समयमा मिलाएर खाने गरेको बताएका छन् ।
उनी मदिरा, सिगरेट र क्याफिन जस्ता चीजहरू कहिल्यै खाँदैनन् । उनी हरेक दिन साढे ७ बजे रातिको खाना खान्छन् र ९ बजेसम्म ओछ्यानमा पुग्छन् ।
अक्षय मान्छन् कि फिट र स्वस्थ रहन महँगो मेसिन वा हाई–फाई डाइट प्लानको आवश्यकता पर्दैन । यदि तपाईँले अनुशासित भएर आफ्नो जीवनशैली कायम राख्नुभयो भने, तपाईँ भित्र र बाहिर दुवै फिट रहन सक्नुहुन्छ ।
(एजेन्सीहरूको सहयोगमा)