बफन टासिलिङ गुम्बामा भोलि रक्तदान कार्यक्रम हुने

चितवन / श्वेता रक्तदाता अभियान अन्तर्गत काठमाडौं उपत्यका बाहिर चितवनमा पहिलो पटक रक्तदान कार्यक्रम गर्ने भएको छ । अभियान अन्तर्गत भोलि (आइतबार) २९ गते चितवनमा पहिलो पटक रक्तदान कार्यक्रम गर्ने भएको हो ।
प्रादेशिक रक्त सञ्चार भरतपुर चितवन नेपाल रेडक्रसको सोेसाइटीको प्राविधिक सहयोग तथा रामबहादुर गुरुङको (बुलेट) को सहयोगमा शारदानगर वडा नं. १८ बफन टासिलिङ गुम्बामा रक्तदान हुने भएको हो ।
रक्तदाता अभियान्ता श्वेता श्रेष्ठका अनुसार बिहान ८ देखि १२ बजेसम्म हुने रक्तदान कार्यक्रममा सम्पूर्ण स्थानीय वासिन्दाहरुलाई सहभागी हुन समेत अनुरोध गरेकी छिन् ।
उनका अनुसार आफूले मानवीय सेवा नै सबैभन्दा ठूलो धर्म ठानेर कोही पनि रगतका अभावमा अकालमा मृत्युवरण गर्न नपरोस् भन्ने उद्देश्यका साथ श्वेता रक्तदान अभियान सुरु गरेकी हुन् ।
अभियान अन्तर्गत वि.सं. २०७७ माघ २० गतेदेखि हालसम्म करिब १८० पटक रक्तदान कार्यक्रम गरी २७०० युनिट रगत सङ्कलन गर्न सफल भएका छन् ।
चितवनमा स्वास्थ्य सेवा विस्तारसँगै रगत अभाव भएकाले रक्तदान कार्यक्रमहरू साथै रक्तदानसम्बन्धी उत्प्रेरणामूलक कार्यक्रम बढाइने अभियान्ता श्रेष्ठको भनाइ छ ।