हप्तादिनमै मिटरब्याज पीडितका १६ उजुरी दर्ता

चितवन / जिल्ला प्रशासन कार्यालय चितवनमा १६ वटा उजुरी परेको छ । गृहमन्त्रालयले मिटरव्याजबाट पीडितहरुको उजुरी संकलनका लागि स्थानीय प्रशासनलाई दिएको समयभित्र सो संख्यामा उजुरी परेको हो । कार्यालयका नायव सुब्बा विश्वास श्रेष्ठका अनुसार साउन २९ गतेदेखि भदौ ५ गते सम्म ती उजुरी परेका हुन् ।
उजुरीको बारेमा जाँचबुझ भईरहेको उनले जानकारी दिए । मिटरव्याजीहरुले निरक्षर, गरिब तथा आर्थिक रुपले अफ्ठ्यारो परिस्थितिमा रहेका व्यक्तिहरु माथि गरेको शोषणको श्रृंखलाले सयौं परिवार बिचल्ली भएको भन्दै उजुरी लिनका लागि स्थानीय प्रशासनलाई गृह मन्त्रालयले निर्देशन गरेको थियो । सोही निर्देशन अनुसार कारवाही गरिने प्रमुख जिल्ला अधिकारी अस्मान तामाङले जानकारी दिए ।
प्रजिअ तामाङका अनुसार प्रशासनमा परेका निवेदनका आधारमा सरोकारवाला दुबै पक्षलाई बोलाएर छलफल गरिने छ । छलफलमा सहमती नभए कारवाहीका लागि जिल्ला प्रहरी कार्यालयमा पठाउने बताए । कारवाहीका लागि प्रहरीकोमा पठाएसँगै गृहमन्त्रालयमा समेत सिफारीस गरिने उनले जानकारी दिए ।
उनले भने, ‘बंैकिङ कसुर र मुलुकी अपराध संहिता अनुसार मुद्दा चल्छ ।’ चलन चल्तिको भन्दा बढी व्याज लिन नपाइने उनको भनाई छ ।