मुग्लिन पुलबाट हाम फालेका एक युवा बेपत्ता

चितवन / मुग्लिन पुलबाट हाम फालेर एक युवा वेपत्ता भएका छन् । शुक्रबार साँझ ५ः३० बजेको समयमा एक युवा हाम फालेको इलाका प्रहरी कार्यालय मुग्लिनले जानकारी दिए ।
बागमती प्रदेश ०२–०३१ प ५२५४ नम्बरको मोटरसाइकलमा आएका युवाले झोला मोटरसाइकल माथि राखेर पुलबाट हाम फालेको प्रत्यक्षदर्शीले बताए ।
प्रहरीका अनुसार झोलामा फेला परेको लाइसेन्सका आधारमा युवा दोलखा जिल्ला गैरिमुडी ९ का निराजन घिमिरे हुन् । वेपत्ता युवाको खोजी भइरहेको इलाका प्रहरी कार्यालय मुग्लिनले जानकारी दिए ।