चितवन प्रहरीमा सात जना मिटरव्याजी बिरुद्ध मुद्धा दर्ता

चितवन / जिल्ला प्रशासन कार्यालय चितवनले सात जना मिटरव्याजी बिरुद्ध मुद्धा दर्ता गरेको छ । आन्तरिक छलफलका क्रममा सहमति नजुटेपछि जिल्ला प्रहरी कार्यालयमा मुद्धा दर्ताका लागि फाइल पठाइएको छ ।
जिल्ला प्रशासन कार्यालय चितवनका सूचना अधिकारी आनन्दबंश न्योपानेका अनुसार दुई पक्षीय सहमती हुन नसकेपछि ती मुद्धालाई प्रहरी कार्यालय पठाईएको हो ।
उनका अनुसार परेका परेका निवेदन मध्ये अहिले अन्य ५ वटा मुद्धा छलफलमा रहेका छन् । ती ५ वटा उजुरीमा पक्ष र बिपक्षिको वयान लिने काम जारी रहेको उनले जानकारी दिए । अन्य उजुरीहरुको विषयमा सम्बन्धित व्यक्तिहरुलाई बोलाउने क्रममा रहेको उनले बताए ।
जिल्ला प्रहरी कार्यालय चितवनका प्रमुख प्रहरी उपरिक्षक नवराज अधिकारीले जिल्ला प्रशासनबाट आएका फाइलहरुको कानुनी प्रकृया सुरु गरिएको जनाएको छ ।
उनले भने, ‘अनुसन्धान सुरु गरिएको छ । कुन कानुन आकर्षण हुन्छ । सरकारी वकिलसँगको परामर्शमा छौँ ।’ प्रशासन कार्यालयमा परेका मिटर व्याजीको विरुद्धमा २२ उजुरी परेको छ ।