हुम्लामा पहिरोले घर पुरियो : ४ को मृत्यु, पाँच घाइते

हुम्ला / हुम्लामा पहिरोले घर पुरिँदा ४ जनाको मृत्यु भएको छ भने ५ जना घाइते भएका छन् । लगातार परेको पानीले घरमाथि पहिरो जाँदा चंखेली गाउँपालिका–६ का मानवीर बिकको घर पहिरोले पुरेको हो ।
कर्णाली प्रदेश प्रहरीका अनुसार मृत्यु हुनेहरुमा ६० वर्षीया तुलसी विक, १२ वर्षीया हैजा बिक, ९ वर्षीया सुस्मिता विक र ७ वर्षीया बसन्त विक रहेका छन् ।
पहिरोमा परेर घाइते भएका ५ जनाको मेलसाय स्वास्थ्य चौकीमा उपचार भइरहेको प्रहरीले जनाएको छ ।