खैरहनीमा सात जुवाडे पक्राउ, नगद सवा दुई लाख बरामद

चितवन / पूर्वी चितवनको खैरहनीमा ७ जना जुवाडे पक्राउ परेका छन् । खैरहनी नगरपालिका वडा नं. ३ उनान्टोलस्थित चिरञ्जिवी सडौलाको घरमा बुधबार राति ११ बजे जुवा खेलिरहेको अवस्थामा उनीहरु पक्राउ परेको जिल्ला प्रहरी कार्यालय चितवनले जनाएको छ ।
प्रहरीका अनुसार पक्राउ पर्नेहरुमा एकै स्थान खैरहनी न.पा. ३ बस्ने वर्ष ४२ का चिरञ्जिावी सडौला, बर्ष ४० का सुकबहादुर तामाङ, वर्ष ४० का रोशन तामाङ, वर्ष २२ का पारस तामाङ, वर्ष नखुलेको कृष्ण थापा, वर्ष ३८ का बुद्ध तामाङ र वर्ष २५ का प्रज्वल बिसुराल रहेका छन् ।
प्रहरीले जुवाको खालबाट नगद रू. दुई लाख २४ हजार ५ सय बीस रुपैयाँ र १ बुक तास १ समेत बरामद गरेको छ ।