चितवनमा ६७औं प्रहरी दिवस मनाइयो, ६२ जनाले गरे रक्तदान

चितवन / जिल्ला प्रहरी कार्यालय चितवनले ६७ औं प्रहरी दिवस मनाएको छ । सो अवसरमा कार्यालयले आयोजना गरेको रक्तदान कार्यक्रममा ६२ जनाले प्रहरीहरुले रक्तदान गरेका छन् ।
कार्यालयका अनुसार जिल्लाको अस्पतालहरुमा हरेक दिन रगतको अभाव देखिने गरेकोले प्रहरी दिवसमा रक्तदान कार्यक्रम गरिएको हो । जिल्लामा हुने रगत अभावलाई थोरै भएपनि सहयोग पुग्ने कार्यालयले जनाएको छ ।
विगत केही दिन यता जिल्लामा रगत अभाव भइरहेकाले सम्बन्धित सबै संघसंस्था र आम जनसमुदायलाई रक्तदान गर्न अपिल पनि गरिएको छ । रगतदान जीवन दान भएकाले यस महान कार्यमा सबैको साथ सहयोग हुनु मानवीय कार्य पनि हो ।