आफ्नै घरमा एक जना मृत फेला, गैडाकोटका कुमाल पक्राउ

चितवन / माडीको वडा नं. ४ धुसेरीमा शंकास्पद अवस्थामा एक युवक मृत फेला परेको छ । ती युवक आफ्नै घरमा मृत अवस्थामा फेला परेको जिल्ला प्रहरी कार्यालय चितवनले जनाएको छ ।
प्रहरीका अनुसार वर्ष ३२ का जीवन नेपाली राति १ बजे आफ्नै घरमा मृत अवस्थामा फेला परेका हुन् । ईलाका प्रहरी कार्यालय माडीको टोलीले मृतकको टाउकोमा चोट लागेको र घटनास्थलमा खुकुरी फेला परेकोले घटना शंकास्पद रहेको बताइएको छ ।
प्रहरीले घटनामा संलग्न रहेको आशंकामा पूर्वी नवलपरासी, गैंडाकोट नगरपालिका वडा न ७ टोलटोले बस्ने वर्ष ३४ का सुरेशबहादुर कुमाल नियन्त्रणमा लिई थप अनुसन्धान सुरु गरेको छ । नियन्त्रणमा लिइएका कुमाल तिर्थबहादुर कुमालका छोरा हुन् ।