चितवनमा दुई स्थानको कुकर बम सेनाद्वारा डिस्पोज

चितवन / भरतपुर महानगरपालिकाको दुई स्थानमा गए (शुक्रबार) राती साढे १२ बजे कुकर बम फेला परेको छ । भरतपुर–१० भरतपुर आँखा अस्पताल अगाडि बाइपास रोड र भरतपुर–१२ आस्था चोकस्थित पूर्व–पश्चिम राजमार्गमा कुकर बम फेला परेको हो ।
कालि बहादुर गण भरतपुरको टोलीले बिहान साढे ३ बजे उक्त वस्तु डिस्पोज गरेको जिल्ला प्रहरी कार्यालय चितवनका प्रवक्ता विजयराज पण्डितले जानकारी दिए । दुई ठाउँमा प्रेसर कुकर शंकास्पद रुपमा राखेको खबर प्राप्त भएपछि प्रहरीले उक्त स्थानलाई सुरक्षित गरेर राखेको थियो ।