ग्राफिकले संचालनमा ल्यायो स्वरोजगार अफर

चितवन / ग्राफिक मार्ग प्रा.लि. भरतपुरले आफ्नो देशमा व्यवसाय गरी स्वरोजगार बन्न चाहने युवाहरुको लागि स्वरोजगार अफर सञ्चालनमा ल्याएको छ । प्रा.लि.ले निश्चित समयको लागि कुनै पनि कम्पनी दर्ता गर्न चाहने व्यक्तिहरुलाई लक्षित गरी युवाहरुको लागि स्वरोजगार अफर सञ्चालनमा ल्याएको हो ।
नेपालमा हाल भइरहेको आर्थिक मन्दीलाई मध्यनजर गर्दै युवाहरुलाई स्वदेशमै रही आफ्नै ब्यापार व्यवसाय सञ्चालन गरी आयआर्जन गर्न उत्प्रेरित गर्नको लागि सो अफर ल्याएको प्रा.लि.का प्रबन्ध निर्देशक जनक खड्काले जानकारी दिए ।
एक महिना (मंसिर १५ देखि पौष १५ सम्म) को लागि ल्याइएको उक्त अफर नयाँ कम्पनी दर्तामा सेवा शुल्क ४ हजार ४४४ मात्र लाग्नेछ । सो अवधिमा १०० वटा नयाँ कम्पनी दर्ता गर्ने लक्ष्य रहेको बताइएको छ ।
युवाहरुलाई नेपालमै व्यवसायी बनाउनको लागि प्रोत्साहन स्वरुप सो स्वरोजगार अफर ल्याइएको कम्पनीले जनाएको छ । यसअघि संचालित सुनको सिक्का अफर कम्पनी दर्तासँगै निरन्तर रहने छ । कम्पनी दर्ता गर्न आउने व्यवसायीहरुले २ वटा मध्ये एउटा अफर रोजेर आफ्नो ब्यवसाय दर्ताको प्रक्रिया अगाडि बढाउन सकिने भएको छ ।