भरतपुरका तीन वडामा विद्युत सटडाउन

चितवन / भरतपुरका तीन वटा वडामा विद्युत अवरुद्ध हुने भएको छ । नेपाल विद्युत प्राधिकरण भरतपुर वितरण केन्द्रले मर्मत सुधारको लागि भन्दै बिहान ९ बजेदेखि दिउँसो ४ बजेसम्म सटडाउन गर्न लागेको हो ।
वितरण केन्द्रका इन्जिनियर राजेन्द्र पौडेलका अनुसार ८÷९ वटा मिटर पोलको स्थानमा ११ मिटरको पोल बदली गरी लाईन मर्मत सुधार गर्नुपर्ने भएकाले फिडर सटडाउन गर्न लागिएको हो ।
भरतपुर–२ फिडर अन्तर्गतका तीन वटा वडामा आज दिनभर सटडाउन हुने प्राधिकरणले जनाएको छ । उनले फिडर सटडाउन हुने भएपछि भरतपुर महानगरपालिकाको वडा नं ८, ९ र १२ मा विद्युत अवरुद्ध हुने बताए ।