सर्वोच्चको फैसला : रवि लामिछानेको सांसद पद खारेज

काठमाडौं / राष्ट्रिय स्वतन्त्र पार्टी (रास्वपा)का सभापति तथा गृहमन्त्री रवि लामिछानेको सांसद पद खारेज भएको छ ।
सर्वोच्च अदालतले आज (शुक्रबार) गृहमन्त्री लामिछानेको सांसद पद खारेज गरेको हो ।
सर्वोच्च अदालतले लामिछानेले उम्मेद्वारी मनोनयनका क्रममा चितवनको निर्वाचन अधिकृतको कार्यालयमा पेश गरेको पुरानो नागरिकताको अमेरिकी नागरिकता परित्याग गरेपछि नेपाली नागरिकता पुनः प्राप्तिका लागि प्रक्रिया नै नथालेकाले उम्मेदवारी र निर्वाचित गर्ने निर्णय खारेज गरेको हो ।
लामिछानले चितवन–२ बाट प्रतिनिधिसभा सदस्यमा निर्वाचित भएका थिए भने उनी अत्यधिक मत ल्याउने उमेदवारमा पर्छन् ।