यौन शोषण गरेको आरोपमा अनाथालयका प्रमुख पक्राउ

धनगढी / कञ्चनपुरको एक अनाथालयमा बालिकाहरूमाथि यौन शोषण गरेको आरोपमा अनाथालयका प्रमुख पक्राउ परेका छन् ।
पक्राउ पर्नेमा अनाथालयका प्रमुख सञ्चालक शंकरबहादुर चन्द रहेका छन् । उनलाई अनाथालयमा बस्दै आएका बालिकाहरूलाई यौन शोषण गरेको आरोपमा पक्राउ गरेको प्रहरीले जनाएको छ ।
प्रहरीका अनुसार, लामो समयदेखी बालिकाहरूमाथि यौन शोषण हुँदै आएको सूचना प्रहरीलाई जानकारीमा आएपछि चन्दलाई पक्राउ गरिएको हो ।
अनाथालयमा आश्रित १४ वर्षीय र १६ वर्षीय बालिकामाथि शोषण गरेको उजुरी परेको थियो । पक्राउ परेका चन्दमाथि हिरासतमा राखेर आवश्यक अनुसन्धान भइरहेको छ ।