एस एण्ड पी कम्पनीका संचालक सूर्य श्रेष्ठ सम्मानित

चितवन / भरतपुर वाइपास रोडमा स्थित एस एण्ड पी कम्पनीका संचालक सूर्यप्रसाद श्रेष्ठलाई सम्मान गरिएको छ । हिमालयन आधारभूत विद्यालय जागृतिचोकले ४०औं वार्षिकोत्सवको अवसर पारेर श्रेष्ठलाई सम्मान गरेको हो ।
विद्यालयलाई विभिन्न समयमा शैक्षिक उन्नयन र समुन्नतिमा पु¥याएको योगदानको उच्च मूल्याकंन गर्दै श्रेष्ठलाई सम्मान गरिएको विद्यालयका प्राचार्य डिल्लीरमण तिवारीले जानकारी दिए ।
कार्यक्रमका प्रमुख अतिथि तथा जिल्ला समन्वय समिति चितवनका सभापति नारायणप्रसाद अधिकारी र प्राचार्य तिवारीले श्रेष्ठलाई संयुक्त रुपमा सम्मान पत्र, दोसल्ला ओढाएर सम्मान गरिएको हो ।
यसअघि गत वर्ष सम्मानित श्रेष्ठले विद्यालयमा अध्ययनरत विद्यार्थीहरुलाई ट्रयाकसुट, टाइ वेल्ट, शैक्षिक सामग्री प्रदान गरेको थियो । उनले आफूले कमाएको केही अंश सामाजिक कार्यमा लगानी गर्दै आएको छ ।
श्रेष्ठले सामाजिक कार्यमा योगदान निरन्तर रहने बताएका छन् भने उनी चितवन साप्ताहिकका सम्पादक पनि हुन् ।