एकसय विद्यार्थीलाई इमेज इन्स्टिच्यूटको शैक्षिक सामग्री

चितवन / चितवनको मुटु शहीदचोकमा स्थित इमेज इन्स्टिच्यूटले शैक्षिक सामग्री (डायरी, कलम) वितरण गरेको छ । इन्स्टिच्यूटले भरतपुर वडा नं. २६ मा रहेको आदर्श माध्यमिक विद्यालय कक्षा १२ मा अध्ययनरत एक सय विद्यार्थीलाई शैक्षिक सामग्री वितरण गरेको हो ।
इन्स्टिच्यूटका प्रबन्ध निर्देशक मोहन बुढाथोकीका अनुसार उक्त विद्यालयमा कक्षा १२ का विद्यार्थीहरुको विदाई समारोहको अवसर पारेर मायाको चिनो स्वरुप शैक्षिक सामग्री दिइएको हो ।
कार्यक्रमका प्रमुख अतिथि समेत रहेका प्रवन्ध निर्देशक बुढाथोकीले आगामी बैशाखमा हुने परीक्षाको कडा महेनेत गरी उत्कृष्ट नतिजा ल्याउन विद्यार्थीहरुलाई सुझाव दिए । इमेजले समाजिक उत्तरदायित्वलाई आत्मसाथ गर्दै सरकारी विद्यालयका विद्यार्थीहरुलाई सहयोग उपलब्ध गरेको उनको भनाइ थियो ।
इमेजले यसअघि सोही विद्यालयका एकसय बढी विद्यार्थीहरुलाई स्कुल ब्याग वितरण गरेको थियो । विगत १८ वर्षदेखि निरन्तर सञ्चालित इन्स्टिच्यूट चितवनको पुरानो तथा उच्च शिक्षा अध्ययनका लागि विद्यार्थीहरुलाई जापान पठाउँदै आएको छ ।
हालसम्म इन्स्टिच्यूटको ४ वटा शाखाहरु बिस्तार भइसकेका छन् । जसअन्तर्गत शाखा कार्यालयहरु चनौली, मेघौली, माडी र गोरखाको हरमटारीमा रहेका छन् ।
कार्यक्रममा इमेज इन्स्टिच्यूटका निर्देशक सुजिना बुढाथोकी, म्यानेजर कपिल बुढाथोकी, इमेजका चनौली शाखा प्रमुख केशव सापकोटा र इमेज परिवारका सदस्य रविना महतो लगायतको उपस्थिति थियो । विद्यालयका प्रधानाध्यापक मित्रबन्धु चापाँगाइको अध्यक्षता रहेको थियो ।