यस्तो आजको सुनचाँदी भाउ

काठमाडौँ / पछिल्लो समय सुनचाँदीको भाउ क्रमशः उकालो लाग्दै गएको छ । तर यो साता सुनचाँदीको भाउ घटेको नेपाल सुनचाँदी व्यवसायी महासंघले जनाएको छ । महासंघका अनुसार आज (आइतबार) को कारोबार मूल्य तोक्दै गत साताको तुलनामा घटेको हो ।
आज सुन प्रतितोला ६०० रुपैयाँले घटेको हो । यो घटेसँगै छापावाल सुनको भाउ प्रतितोलामा १ लाख ९ हजार २०० र तेजाबी सुन प्रतितोला १ लाख ८ हजार ७०० रुपैयाँ पुगेको छ । गत साताको शुक्रबार छापावाल सुनको मूल्य तोलामा १ लाख ९ हजार ८०० रुपैयाँ र तेजाबी सुनको मूल्य तोलामा १ लाख ९ हजार ३०० रुपैयाँ कायम थियो ।
यसैगरी, चाँदीको भाउ भने बढेको छ । महासंघले गत साताको शुक्रबारको तुलनामा १० रुपैयाँले मूल्य बढेको जानकारी दिएको छ । भाउ बढेसँगै चाँदीको भाउ प्रतितोला १ हजार ३७० रुपैयाँ कायम छ ।