बढ्दै कोरोना संक्रमित, बागमती प्रदेशमा बढी

मकवानपुर / बागमती प्रदेशमा एकै दिन सोमबार ६३ जनामा कोरोना संक्रमण पुष्टि भएको छ । ३ सय ६६ जनाको कोरोना परिक्षण गरिएकोमा ६३ जनामा कोरोना संक्रमण पुष्टि भएको बागमती प्रदेशको स्वास्थ्य मन्त्रालयका डा. रविन भुसालले जानकारी दिए ।
देशैभरि ७६ जनामा कोरोना संक्रमण पुष्टि हुँदा बागमतीमा सबैभन्दा धेरै देखिएको हो । बागमती प्रदेशमा पछिल्लो समय कोरोना संक्रमणको दर दिनहुँ बढ्दै गएको छ ।
कोरोना संक्रिमितको संख्यालाई आधार मान्दा पनि यस प्रदेशका शहरी क्षेत्रहरुमा कोरोना संक्रमितको दर बढ्दै गएको हो । कोरोना संक्रमणबाट बच्नका लागि र सावधानीका उपायहरु अपनाउनका लागि स्वाथ्यकर्मीहरुले आग्रह गरेका छन् ।