चितवनमा बढ्यो गर्मी, विद्यालयहरु ६ दिन बन्द

चितवन / पछिल्लो केही दिन यता चितवनलगायत देशैभर अत्यधिक गर्मी बढेको छ । गर्मीका कारण मानिसहरु घर बाहिर निस्कन छाडेका छन् भने अस्पतालहरुमा विरामी बढ्दै गएको पाइएको छ ।
यसैबीच अत्यधिक गर्मी बढेपछि भरतपुरका विद्यालय ६ दिनका लागि बन्द भएको छ । भरतपुर महानगरपालिकाले शुक्रबार एक सुचना जारी गर्दै अत्यधिक गर्मी बढेपछि महानगरभित्रका सामुदायिक तथा संस्थागत विद्यालय ६ दिनका लागि बन्द गरेको हो ।
यही जेठ २१ गते देखि २६ गते सम्म साउन र भदौ महिनामा राखेको बर्षे विदामा हालको विदा मिलान हुनेगरी ६ दिन विदा निर्णय गरिएको भरतपुर महानगरपालिका शैक्षिक प्रशासन महाशाखा प्रमुख महेन्द्र पौडेल जानकारी दिए ।
त्यस्तै गर्मीले विद्यार्थीहरुलाई स्कुल जना आउन समस्या परेको भन्दै चितवनका रत्ननगर, खैरहनी, राप्ती र माडी नगरपालिकाले शुक्रबारदेखि नै लागू हुने गरी विद्यालय बन्द गरेका छन् ।