June 20, 2024

आज बागमती सरकारले बजेट सावर्जनिक गर्दै

June 16, 2023

मकवानपुर / बागमती प्रदेश सरकारले आगामी आर्थिक वर्ष २०८०÷०८१ को लागि आज (शुक्रबार) बजेट सार्वजनिक गर्ने भएको छ । संवैधानिक प्रावधान अनुसार, प्रदेश सरकारले वार्षिक बजेट सार्वजनिक गर्न लागेको हो ।
शुक्रबार अपराह्न ३ बजे बस्ने प्रदेश सभाको बैठकमा आर्थिक मामिला तथा योजनामन्त्री बहादुर सिं लामाले बजेट प्रस्तुत गर्ने प्रदेश सभा सचिवालयका प्रमुख सचिव कृष्णहरि खड्काले जानकारी दिए ।
गत जेष्ठ १४ गते नीति तथा कार्यक्रम ल्याएको बागमती प्रदेश सरकारले आव २०८०÷०८१ को लागि करिब ५१ अर्बको बजेट ल्याउने तयारी गरेको छ ।
प्रदेश सरकारले प्राथमिकता निर्धारण गरेर बजेट तयार पारेको आर्थिक मामिला तथा योजना मन्त्रालयले जनाएको छ । विशेषगरी कृषि, पर्यटन, भौतिक पूर्वाधार, खानेपानी, शिक्षा, स्वास्थ्य र रोजगारी सिर्जनालगायत विषय प्राथमिकतामा परेका छन् ।
आज कोशी प्रदेश बाह्ेक ६ वटै प्रदेशमा आगामी आवको बजेट सार्वजनिक हुने भएको छ । संविधानतः संघीय सरकारले जेष्ठ १५ मा बजेट घोषणा गरेपछि प्रदेश सरकारले असार १ मा बजेट सार्वजनिक गर्न लागेको हो ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -