भरतपुर नगर तामाङ समाजमा वरिष्ठ ई. सूर्यप्रकाश लामाको नेतृत्व

चितवन / भरतपुर महानगरपालिकाका वरिष्ठ इन्जिनियर सूर्यप्रकाश लामा भरतपुर नगर तामाङ समाजको अध्यक्षमा निर्वाचित भएका छन् । भरतपुर ११, भोजाडको छेच्यु थर्पलिङ गुम्बाको सभाहलमा सम्पन्न समाजको १२ औं साधारण सभा तथा चौथों अधिवेशनले वरिष्ठ इन्जिनियर लामासहित १६ सदस्यीय कार्यसमिति चयन गरेको हो ।
जसअनुसार समाजको महिला उपाध्यक्षमा सरिता लामा, पुरुष उपाध्यक्षमा निरबहादुर लामा, सचिवमा सीताराम मोक्तान, सहसचिवमा शितल तामाङ र कोषाध्यक्षमा दोर्जे तामाङ चयन भएका छन् ।
यस्तै सदस्यहरुमा टेकबहादुर जिम्बा, सुनी बोम्जन, मिनमाया लोप्चन, चिनीमाया लामा, निर्मल लामा, जसलाल पाख्रिन, लक्ष्मी लोप्चन चयन भएका छन् भने बाँकी ३ सदस्य कार्यसमितिको पहिलो बैठकबाट मनोनित गरिने निर्वाचन मण्डलका अध्यक्ष तथा संस्थाका निवर्तमान अध्यक्ष गंगा लामाले जानकारी दिए । यसअघि विधान अनुसार उपाध्यक्ष एकजना मात्र रहेको थियो भने विधान संशोधन गर्ने गरी महिला र पुरुष दुई जनालाई उपाध्यक्षमा चयन गरिएको छ ।
कार्यक्रममा तामाङ पत्रकार संघ चितवनका अध्यक्ष तथा प्रमुख अतिथि बबिलाल तामाङले दियो प्रज्वलन गरी उद्घाटन गरेका हुन् । प्रमुख अतिथि तामाङले नवनिर्वाचित कार्यसमितिलाई बधाई तथा शुभकामना दिँदै समुदायको हक हितको लागि एकजुट भई हातेमालो गर्दै अघि बढ्न आग्रह गरे ।
कार्यक्रम समाजका अध्यक्ष पासाङ तामाङको सभापतित्वमा सम्पन्न भएको थियो भने संचालन कावा सचिव शम्भुलाल पाख्रिनले गरेका थिए ।