चितवन / नेपाल मानव धर्म सेवा समितिको आयोजनामा गुरुपूर्णिमाको अवसर पारेर गुरु पुजा महोत्सव, छात्रवृत्ति घोषणा तथा निःशुल्क दन्त शिविर कार्यक्रम सम्पन्न भयो ।
भरतपुर महानगरपालिका वडा नं. २ का वडाअध्यक्ष मनोज रानाभाटले मानव धर्मले समाजमा आध्यात्मिक जागरण फैलाउँदै युवाशक्तिलाई अध्यात्ममा जोड्दै जीवन व्यवस्थापनमा महत्वपूर्ण भूमिका खेलेको बताए । आगामी दिनमा संस्थाले आयोजना गर्ने सामाजिक गतिविधिमा सँगसँगै हातेमालो र सहकार्य गर्ने प्रतिबद्धता व्यक्त गरे ।
उक्त कार्यक्रममा करिव १५० जनाले निःशुल्क दन्त परिक्षण गराएका थिए भने हरेक बर्षझैँ यस बर्ष पनि विकट क्षेत्रका विपन्न करिव ४०० विद्यार्थीलाई शैक्षिक सामग्री प्रदान गर्ने घोषणा गरिएको थियो ।
कार्यक्रममा मानव सेवा धर्म समितिका क्षेत्रीय अध्यक्ष थिरप्रसाद धिताल, जिल्ला अध्यक्ष विनोद पौडेल, फ्रेस डेन्टल क्लीनिकका प्रमुख डा श्वेता झा लगायतले मन्तव्य दिएका थिए । कार्यक्रममा धर्म, ज्ञान, जीवन र गुरुको महत्वको बारेमा प्रकाश पारिएको थियो भने करिव ६०० भक्तजनहरुको उपस्थिति रहेको थियो ।
कार्यक्रम हंस किर्ती आश्रम नारायणगढकी प्रमुख संरक्षक महात्मा रमा बाईको अध्यक्षतामा सम्पन्न भएको थियो ।
- ADVERTISEMENT -
