चितवनमा समाजबादी प्रेस संगठनद्वारा पत्रकार महासंघमा तालाबन्दी

चितवन / दुई वटा पत्रकार सम्बद्ध संगठनले नेपाल पत्रकार महासंघ चितवनमा तालाबन्दी गरेको छ । देशैभर पत्रकार सदस्यता शुद्धीकरणको विषय चलिरहँदा चितवनमा पनि समाजवादी प्रेस संगठन र प्रेस चौतारीले असन्तुष्टि व्यक्त गर्दै तालाबन्दी गरेको हो ।
समाजबादी प्रेस संगठन चितवनले नेपाल पत्रकार महासंघ चितवनको कार्यालयमा तालाबन्दी गरेको छ । संगठनले सोमबार एक विज्ञप्ति जारी गरी पत्रकार शुद्धिकरणको नाममा सक्रिय पत्रकारहरुको समेत सदस्यता खोसिएको भन्दै निर्णय सच्याउन माग गर्दै तालाबन्दी गरिएको हो ।
लोकतन्त्र, मानवअधिकार तथा आमसञ्चारलाई संस्थागत गर्न वर्षौंवर्ष कलम चलाएका पत्रकारहरूलाई राजनैतिक पहुँचका आधारमा कथित सुद्धिकरणको नाममा सयौँ पत्रकारहरूको कलम खोस्ने निर्णय विरूद्ध तालाबन्दी गर्न बाध्य भएको प्रेस विज्ञप्तीमा जनाइएको छ ।
सो संगठनले २०८० चैत्र मसान्तको अवधिसम्म नविकरण गरिसकेपछि सुद्धिकरणको नाममा खारेज गरिएका पत्रकारहरूको सदस्यता बिना शर्त कायम गर्नु पर्ने, विधिपूर्वक निवेदन पेश गरेका पत्रकारहरूलाई नयाँ सदस्यता प्रदान गर्नु पर्ने र पक्षपातपूर्ण निर्णय फिर्ता हुनुपर्ने माग गरिएकोे छ ।
यसअघि सदस्यता शुद्धिकरणको विषयलाई लिएर प्रेस चौतारी चितवनले शनिबार महासंघमा तालाबन्दी हो ।