चितवनका पत्रकार देवकोटा काठमाडौंमा नगदसहित सम्मान

चितवन / चितवनका पत्रकार सन्तोष देवकोटा सम्मानित भएका छन् । पत्रकार देवकोटा गंगा ज्योति स्मृति पुरस्कारवाट नगदसहित काठमाडौंमा सम्मानित भएका हुन् ।
ब्रह्मज्ञानी गुरुदेव डा. क्षितिज चन्द्र चक्रवर्तीवाट स्थापित अद्धैत सस्थाको काठमाण्डौं २८ स्थित केन्द्रीय कार्यालयमा आयोजित गुरु आमा जयन्ती महासत्संग समारोह २०८० को अवसरमा सो पुरस्कार वितरण गरिएको हो ।
अद्धैत संस्थाका केन्द्रिय सभापति एवं प्रधान कुलपति सहचारी अनन्तलाल सरस्वतीले उक्त पुरस्कार २०७३ सालमा स्थापना गर्नु भएको हो । उक्त पुरस्कारको राशी पचास हजार रुपैयाँ रहेको छ ।
हाल उनी लोकतन्त्र सन्देशका कार्यकारी सम्पादक हुन् भने विगत लामो समयदेखि पत्रकारितामा पेशामा आवद्ध छन् ।