भरतपुरका केही स्थानमा आज दिनभर विद्युत अवरुद्ध

चितवन / भरतपुरका केही स्थानमा विद्युत सेवा अवरुद्ध हुने भएको छ । भरतपुर–माडी–ठोरी हुलाकी सडक अन्तरगत भरतपुरको विकासचोकदेखि सिताराम चोकसम्म विद्युत पोल सार्न लागिएको हुँदा त्यस क्षेत्रमा आज दिनभर विद्युत सेवा अवरुद्ध हुन लागेको हो ।

विद्युत दिउँसो १० देखि ५ बजेसम्म अवरुद्ध हुने भरतपुर वितरण केन्द्रले जानकारी दिएको छ । ११ केभि भृकुटी फिडरको क्यान्सर अस्पतालदेखि दक्षिततर्फ विद्युत सेवा अनियमिता हुने बताइएको छ ।

हाकिम चोकदेखि गितानगर क्षेत्रमा सडक विस्तारको काम भइरहेको छ । सडकको मापदण्डमा पर्ने पोलहरु सार्न लागिएको हो । यसबाट ग्राहकहरुमा पर्न जाने असुविधा प्रति नेपाल विद्युत प्राधिकरण क्षमाप्रार्थी रहेको प्राधिकरणले जनाएको छ ।