चितवनमा मोटरसाइकल दुर्घटना परी एकको मृत्यु

गैँडाकोट / चितवनको नारायणी नदी पुलमा मोटरसाइकल दुर्घटना हुँदा चालकको मृत्यु भएको छ । शनिबार राति करिब साढे नौ बजेको समयमा अनियन्त्रीत भई मोटरसाइकल दुर्घटना भई चालकको मृत्यु भएको इलाका प्रहरी कार्यालय गैंडाकोटले जनाएको छ ।
प्रहरीका अनुसार पूर्वबाट पश्चिमतर्फ आउदै गरेको बागमती प्रदेश ०६–०१ प २९५४ नम्बरको मोटरसाइकल पुलको साइडको बारमा ठोक्किएको हो । मृत्यु हुनेमा भरतपुर २८ घर भएका २८ वर्षका नारायण ढकाल रहेका छन् ।
दुर्घटनामा परि गम्भिर घाइते भएका ढकालको उपचारको क्रममा नयाँ मेडिकल कलेज भरतपुरमा ९ः५१ बजे ज्यान गएको प्रहरी निरीक्षक हस्तबहादुर सुनारले जानकारी दिए ।