चितवन । भरतपुर महानगरपालिका वडा नं. २ को कार्यालयले आयोजना गरेको बृहत् तिज गीत प्रतियोगितामा आदर्श आमा समूह प्रथम भएको छ । १४ वटा आमा समूहको टोलीलाई पछाडि पार्दै प्रथम भएका आदर्श आमा समूहले नगद रु. २० हजार प्राप्त गरेको हो ।
प्रतियोगितामा मितेरी आमा समूह रु. १५ हजार नगदसहित दोश्रो स्थान हासिल गर्न सफल भएका छन् भने पृथ्वी देउती आमा समूहले तेस्रो स्थानमा चित्त बुझाउँदै रु. १० हजार नगद प्राप्त गरे ।
यस्तैगरी सान्त्वना पुरस्कार विजेता क्रियाशिल आमा समूहले रु. ५ हजार हात पारे भने रामेश्वर टोल विकास संस्थाले एक जना उत्कृष्ट नृत्य गर्ने महिलालाई रु. २ हजार नगदले पुरस्कृत गरेको थियो ।
कार्यक्रममा पूर्व प्रजिअ लक्ष्मीशरण घिमिरे र चितवन डान्स सेन्टरका नृत्य निर्देशक रेनु तामाङले निर्णायकको भूमिका सम्हालेका थिए । बृहत तिज गीत प्रतियोगितामा बेलपत्र श्रेष्ठ मास्केको संयोजकत्व रहेको थियो ।
कार्यक्रम भरतपुर महानगरपालिका वडा नं. २ का वडाध्यक्ष मनोज रानाभाटको सभापतित्वमा सम्पन्न भएको थियो भने संचालन वडा सचिव ओमप्रकाश न्यौपानेले गरेका थिए ।
प्रतियोगितामा वडा नं. २ का १५ वटा आमा समूहको टोलीले प्रतिस्पर्धा गरेका थिए ।
