ब्याडमिन्टन प्रतियोगितामा अधिकारी र सुनार प्रथम

चितवन / भरतपुर वडा नं. ५ मा सम्पन्न दुई दिने मैत्री पूर्ण ब्याडमिन्टन प्रतियोगितामा डम्मर अधिकारी र मनोज सुनार प्रथम भएका छन् । टाइगरचोक ब्याडमिन्टन एशोसियसन भरतपुरद्वारा आयोजित संस्थाका आजीवन सदस्यहरु बिच भएको उक्त प्रतियोगितामा उनीहरु प्रथम भएका हुन् ।
उक्त प्रतियोगिताका खेल संयोजक मोहन श्रेष्ठका अनुसार डम्मर अधिकारी र मनोज सुनार प्रथम हासिल गरेका हुन भने उनीहरुले नगद रु. १२ हजार प्राप्त गरेका छन् भने दोस्रो स्थान प्राप्त शम्भु श्रेष्ठ र शैलेन्द्र प्रधानले रु. ८ हजार पाए ।
यस्तै तेस्रो स्थानमा कृष्ण पंगेनी र नवराज लामिछानेले चित्त बुझाएका छन् । उनीहरुले नगद रु ४ हजार हात पारेका छन् ।
भरतपुर महानगरपालिका उपमेयर चित्रसेन अधिकारीको प्रमुख आतिथ्यता रहेको थियो । उममेयर अधिकारीले खेलबाट देशलाई चिनाउन सक्ने भएकाले यसको महत्व बढी भएको बताए । खेललाई आवश्यक पर्ने जुनसुकै सहयोग गर्न प्रतिबद्ध रहेको उनको भनाइ थियो ।
कार्यक्रम महेन्द्रबाबु पाण्डेको सभापतित्वमा सम्पन्न भएको थियो भने राजेन्द्रबाबु ढकालले स्वागत मन्तव्य दिएका थिए ।
ब्याडमिन्टन प्रतियोगितामा ४० वटा टिमले प्रतिस्पर्धा गरेको थिए ।