काठमाडौं / नेपाली चलचित्र क्षेत्रका अभिनेता अनमोल केसी ठगीको आरोपमा पक्राउ परेका छन् । उपत्यका अपराध अनुसन्धान कार्यालयले शुक्रबार अभिनेता केसीलाई काभ्रेबाट पक्राउ गरेको हो ।
चलचित्रको पैसा लिएर पनि काम नगरेको भन्दै केसीविरुद्ध निर्माण कम्पनी सुदर्शन थापा प्रोडक्सन प्रालिको तर्फबाट सुप्रिया भन्ने चन्द्रकला कटुवालले उजुरी दिएकी थिइन् । उक्त उजुरीको आधारमा उनलाई पक्राउ गरेको प्रहरीले जनाएको छ ।
- ADVERTISEMENT -
केसीलाई पक्राउ गरी थप अनुसन्धान भइरहेको उपत्यका अपराध अनुसन्धान कार्यालयले जनाएको छ ।
प्रहरीका अनुसार, फिल्म ‘रावायण’ अभिनयका लागि दश लाख रुपैयाँ लिएको र फिल्म खेल्न आनाकानी गर्दै आएपछि निर्माण युनिटले उनीविरुद्ध ठगीको उजुरी प्रहरीमा दिएको थियो ।
