चितवन । तमू प्ये ल्हु संघ चितवनको अध्यक्षमा विक्रम गुरूङ चयन भएका छन् । संघको शनिबार सम्पन्न २०औँ साधारण सभा तथा सातौँ अधिवेशनबाट विक्रमको नेतृत्वमा १३ सदस्यीय नयाँ कार्यसमिति चयन गरिएको हो ।
आगामी दुई वर्षे कार्यकालको लागि उपाध्यक्षमा इन्द्रकुमारी गुरूङ र कृष्णबहादुर गुरूङ, सचिवमा चित्रबहादुर गुरूङ र संगठन सचिवमा पूर्ण गुरूङ, कोषाध्यक्षमा रीता गुरूङ तथा सह–कोषाध्यक्षमा जयबहादुर गुरूङ चयन भएका छन् ।
यस्तै कार्यसमिति सदस्यहरूमा भने कुमार गुरूङ, ज्ञान गुरूङ, कृष्ण गुरूङ, रेशबहादुर गुरूङ, ईश्वर गुरूङ र माया गुरूङ चयन भएका छन् ।
अध्यक्षमा निर्वाचित भइसकेपछि विक्रम गुरूङले प्ये ल्हु संघमातहतमा रहेका सबै भातृ संगठन एवम् इकाइ समितिलाई थप मजबुद बनाउँदै लैजाने बताए ।
