काठमाडौं / नेकपा एकीकृत समाजवादी पार्टीको केन्द्रीय कमिटीको बैठक आज (मंगलबार) बस्ने गरी आह्वान गरिएको छ ।
बैठक बिहान ११ बजेबाट सुरु हुने गरी आह्वान गरिएको हो । उक्त बैठक दुई दिनसम्म संचालन हुनेछ ।
बैठकमा महाधिवेशनमा प्रस्तुत हुने राजनीतिक प्रतिवेदन, सांगठनिक प्रतिवेदन, पार्टीको समाजवादी कार्यक्रम र विधान संशोधनका विषयमा छलफल हुने प्रवक्ता जगन्नाथ खतिवडाले जानकारी दिए ।
एकीकृत समाजवादीले आगामी असार १० गतेदेखि १६ गतेसम्म काठमाडौंमा महाधिवेशनको तयारी गरेको छ । यस विषयमा पनि आजको बैठकमा छलफल हुने प्रवक्ता खतिवडाले बताए ।
