चितवन / भरतपुर महानगरपालिकाले तोकेको सूचकमा वडा नम्बर २ उत्कृष्ठ भएको छ । यससंगै धेरै बजेट पाउने वडामा यो वडा परेको छ । महानगरपालिकाले बिभिन्न कार्यलाई मूल्याङ्कन गरि सुत्रका आधारमा वडा वर्गिकरण गरेको हो ।
महानगरपालिकाका आर्थिक प्रशासन महाशाखा प्रमुख जगन्नाथ अर्यालका अनुसार सुत्रका आधारमा गरिएको मूल्याङ्कनमा वडा नम्बर २ अगाडी परेको हो ।
- ADVERTISEMENT -
यससंगै यो वडाले आउँदो वर्षका लागि रु २ करोड ९० लाख बजेट पाउने भएको छ । कम वजेट पाउने वडाले रु २ करोड ७४ लाख बजेट पाउने छन् । वडाहरुको मूल्याङ्कनको आधारमा बजेट बिनियोजन गरिदैं छ ।
चालु आर्थिक वर्षमा सबै वडाले रु २ करोड ६५ लाख पाएका थिए । वडा अध्यक्ष मनोज रानाभाटले महानगरपालिकाले तोकेका सूचकमा राम्रो अंक पाएर आफ्नो वडा उत्कृष्ठ भएको बताउनुभयो । उहाँका अनुसार गत आर्थिक वर्षको भन्दा दोब्बर कर संकलन भएको छ । गत वर्ष रु १ करोड ५ लाख राजस्व संकलन भएकोमा अहिले रु २ करोड नाघेको छ ।
- ADVERTISEMENT -
बिद्यालयको एक सय मिटर भित्र सूर्ती जन्य पदार्थ पूर्ण निषेध गरिएको छ । सबै घरधुरीको तथ्याङ् अनलाईनमा अध्याबधिक गरिएको छ । वडा भित्र पूर्ण रुपमा स्मार्ट लाईट जडान गरिएको छ । नमस्ते चोक देखि मेयर चोक सम्म रात्रिकालिन वजारको तयारी गरिएको छ ।
गमला राखेर वडालाई हरीयालि वनाईएको छ । लागुऔषधि नियन्त्रणका लागि टोलटोलमा समिति वनाएर रात्रिकालिन समेत गस्ति गरिएको छ ।
