July 20, 2024

नेकपा एसको केन्द्रीय कमिटी बैठक बस्दै आज

July 7, 2024

काठमाडौं / नेकपा एकीकृत समाजवादी पार्टीको केन्द्रीय कमिटीको बैठक आज (आइतबार) बस्दैछ । बैठक पार्टीको केन्द्रीय कार्यालय आलोकनगरमा बस्ने गरी बोलाइएको हो ।

बैठकले पार्टीको बाँकी पदाधिकारी व्यवस्थापन गर्न कार्यविधि तथा मापदण्ड बनाएर कमिटीलाई पूर्णता दिने, पदाधिकारी चयनलगायत विषयमा निर्णय गरिने सो पार्टीका नेता सोमप्रसाद पाण्डेले बताए ।

यसअघि शनिबार बसेको बैठकले महाधिवेशनबाट पार्टीलाई थप ऊर्जा प्राप्त भएको निष्कर्ष निकालेको थियो । केही नेतालाई प्रदेश प्रमुखको जिम्मेवारी तोक्न खोज्दा विवाद भएपछि बैठक स्थगन गरिएको थियो ।

भूगोल, क्षेत्र तथा सन्तुलन मिलाएर नेताहरूको क्षमताका आधारमा आवश्यक पदमा मनोनित गरिने विषयमा समेत आजको बैठकमा छलफल गरिने जनाइएको छ ।

- ADVERTISEMENT -
- ADVERTISEMENT -