काठमाडौँ / प्रधानमन्त्री पुष्पकमल दाहाल प्रचण्डले नेकपा एमालेका अध्यक्ष केपी शर्मा ओलीले ढाँटछल गरेर कांग्रेससँग नयाँ गठबन्धन बनाएको आरोप लगाएका छन् ।
नेकपा माओवादी केन्द्रको बुधबार बसेको बैठकमा पार्टी अध्यक्षसमेत रहेका प्रचण्डले कांग्रेससँगको सहमतिपछि पनि एमाले अध्यक्ष केपी शर्मा ओलीले आफूलाई झुक्याइएको बताए । कांग्रेससँग सहमतिपछि पनि ओलीले आफ्नो सरकारलाई समर्थन गरिरहने भनेर ढाँटेको गुनासो प्रचण्डले गरेका हुन् ।
- ADVERTISEMENT -
उनले सदनमा विश्वासको मत लिएपछि संसद्मा सशक्त भूमिका निर्वाह गर्न सबै दलहरूलाई एकठाउँमा ल्याउने बताए ।
बैठकले प्रधानमन्त्री प्रचण्डको पक्षमा विश्वासको मत दिन आफ्ना सांसदहरूलाई ह्वीप जारी गर्दै अन्य दलसँग पनि विश्वासको मतका लागि अपील गर्ने निर्णय गरेको छ ।
