पहिरोमा एकैघरका तीनसहित ५ जना बेपत्ता

काठमाडौं / गोरखाको धार्चे–५ मा आज (आइतबार) बिहान पहिरो गएको छ । पहिरोमा एकै घरका तीनसहित ५ जना बेपत्ता भएका छन् । पहिरोले एउटा घर र एउटा कृषि फर्मलाई पहिरोले पुरेको हो ।

पहिरोमा घर र कृषि फर्म पुरिएको खबर पाएलगत्तै खोज तथा उद्धारका लागि नेपाली सेना, सशस्त्र प्रहरी, नेपाल प्रहरी र स्वास्थ्यकर्मीको टोली परिचालन गरिएको गोरखाका प्रमुख जिल्ला अधिकारी भोला दाहालले जानकारी दिए ।

- ADVERTISEMENT -

प्रजिअ दाहालका अनुसार खोर्लाबेसीबाट नेपाली सेना र आरुघाटबाट सशस्त्र प्रहरीको टोली परिचालन गरिएको छ ।