दुई भारतीय नागरिक पेस्तोलसहित नियन्त्रणमा

गोलबजार / लहान–ठाडी सडकखण्डअन्तर्गत सखुवानन्कारकट्टी गाउँपालिका–५ महेशबारी चोकबाट प्रहरीले पेस्तोलसहित दुई भारतीय नागरिकलाई नियन्त्रणमा लिएको छ ।

प्रहरीले भारतको मधुवनी जिल्ला पिपराही ग्राम पञ्चायत झझरीका १८ वर्षीय नीरजकुमार पासवान र सोही ग्राम पञ्चायतअन्तर्गत बलानशेर टोलका ३७ वर्षीय अरुण साहलाई नियन्त्रणमा लिएको हो ।

- ADVERTISEMENT -

बिहीबार साँझ इलाका प्रहरी कार्यालय महेशबारीले ठाडीबाट लहानतर्फ जाँदै गरेको यात्रुवाहक बसमा जाँच गर्दा उनीहरुको साथबाट एक थान पेस्तोल बरामद भएपछि निजहरुलाई नियन्त्रणमा लिइएको हो ।

प्रहरीको नियन्त्रणमा रहेका उनीहरुमाथि थप अनुसन्धान भइरहेको जनाइएको छ ।