काठमाडौं / नेकपा एकीकृत समाजवादी पार्टीको केन्द्रीय कमिटीको बैठक आज (शुक्रबार) बस्ने भएको छ । बैठक केन्द्रीय कार्यालयमा बस्ने केन्द्रीय सदस्य सोमप्रसाद पाण्डेयले जानकारी दिए ।
उनका अनुसार, पार्टी अध्यक्ष एवम् पूर्व प्रधानमन्त्री माधवकुमार नेपालको संयोजकत्वमा गठित कार्यदलले सम्पन्न गरेको कार्यसम्पादनको समीक्षा तथा केन्द्रीय कमिटीलाई पूर्णता दिन बैठक आह्वान गरिएको हो ।
- ADVERTISEMENT -
सम्मानीत नेता झलनाथ खनाल र महासचिव घनश्याम भुसाल सदस्य रहेको कार्यदललाई पार्टीका सातै प्रदेशले केन्द्रमा पठाएको सिफारिसका आधारमा नेताहरूको मूल्याङ्कन गरी केन्द्रीय सदस्यको नामावली तयार भइसकेको जनाइएको छ ।
