काठमाडौं / नेपाल समाजवादी पार्टी (नेसपा) ले २५ वटा विभाग प्रमुख तोकेको छ ।
डा. बाबुराम भट्टराई नेतृत्वको उक्त पार्टीको गत साउन १६ गते बसेको महाधिवेशन आयोजक समिति केन्द्रीय सचिवालय बैठकले विभागीय प्रमुख तोकेको प्रवक्ता कृष्ण शर्माले बताए ।
- ADVERTISEMENT -
साथै उक्त बैठकले जनवर्गीय सङ्गठनहरू गठन÷पुनर्गठन गरेको पनि पार्टी प्रवक्ता शर्माले जनाए ।
उनका अनुसार, पार्टीको सङ्गठन विभाग प्रमुखमा सोनाम सिं स्याङ्तान, अन्तर्राष्ट्रिय विभाग प्रमुखमा दुर्गा सोव र आर्थिक विभाग प्रमुखमा हिसिला यमिलाई तोकिएको छ ।
त्यसैगरी, विभिन्न १२ वटा जनवर्गीय सङ्गठनका इन्चार्ज र सह–इन्चार्ज, विज्ञ परिषद्मा सदस्य थप र आयोगका पदाधिकारीको जिम्मेवारी समेत तोकिएको उनले बताए ।
