दमौली / पृथ्वीराजमार्ग अन्तर्गत तनहुँको आँबुखैरेनीनजिकै ऐनापहरामा भारतीय नम्बर प्लेटको बस मर्स्याङ्दी नदीमा खस्दा १४ जनाको मृत्यु भएको छ । १६ जना घाइतेको उद्धारपछि अस्पताल पठाइएको सशस्त्र प्रहरी बल, नेपालका सहायक प्रवक्ता डीएसपी शैलेन्द्र थापाले जानकारी दिए ।
पोखराबाट काठमाडौँतर्फ जाँदै गरेको युपी ५३ एफटी ७६२३ नम्बरको बस नदीमा खसेको तनहुँका प्रहरी नायव उपरीक्षक दीपककुमार रायले जानकारी दिए । उनका अनुसार बसमा भारतीय पर्यटक थिए । तर कति यात्रु सवार थिए भन्ने विषय एकीन भइसकेको छैन ।
