चितवनको बोस्टन कलेजले बिएचएम पढाइ संचालन गर्ने

चितवन / भरतपुर–१० हाकिमचोकमा स्थित बोस्टन इन्टरनेशनल कलेजले यसै वर्षबाट बिएचएम शैक्षिक कार्यक्रम सञ्चालन गर्ने भएको छ । पोखरा विश्वविद्यालयबाट सम्बन्धन लिएको कलेजले यसअघि बीबीए, बीबीए–फाइनान्स, बिसिएसआइटी एवं एमबिए गरी चारवटा शैक्षिक कार्यक्रमहरू सञ्चालन गर्दै आएको छ ।

बिएचएम कार्यक्रम चार वर्षे स्नातक कार्यक्रम भएको कार्यक्रमका सहसंयोजक विमल अर्यालले बताए । उनले यस कार्यक्रमले मुख्य रुपमा हस्पिटालिटी म्यानेजमेन्टलाई केन्द्रित गर्दै विद्यार्थीहरूलाई खाद्य र पेय तयारी र सेवा, आवास सञ्चालन, फ्रन्ट अफिस सञ्चालन, कम्प्युटर सफ्टवेयर सञ्चालन, आतिथ्य सञ्चार, बिक्री र मार्केटिङ, जनसम्पर्कका साथै अन्य विषयहरूमा सैद्धान्तिक र व्यवहारिक विज्ञता उन्मुख ज्ञान प्रदान गर्दै हस्पिटालिटी म्यानेजमेन्ट क्षेत्रमा अग्रणी स्थान हासिल गर्न मद्दत पु¥याउने बताए ।

- ADVERTISEMENT -

आगामी भदौ ११ गते कलेजले कार्यक्रमको बारेमा थप जानकारी दिनेगरी ओपन हाउस कार्यक्रम आयोजना गर्न लागेको उनको भनाइ छ । उक्त ओपन हाउस कार्यक्रममा राष्ट्रिय तथा अन्तर्राष्ट्रिय हस्पिटालिटी क्षेत्रका विषयविज्ञहरू मार्फत बिएचएम कार्यक्रमबारे पूर्ण रुपमा जानकारी गराइने अर्यालले बताए ।

ओपन हाउस कार्यक्रममा आइटिसी होटल इन्डियाका पूर्व उपाध्यक्ष एवम् बोस्टन कलेजका बिएचएम कार्यक्रमका कन्सल्टेन्ट मनोज मनोज वीरमानी, नेपालको पहिलो फाइभ स्टार एक्जिक्युटिभ सेफ गोविन्द नरसिंह केसी, बिबिसी मास्टरसेफ २०२० सन्तोष शाह एक्जिक्यटिभ सेफ लन्डन, भिभान्त चितवनका म्यानेजर मुदित माथुर, बाराही जङ्गल रिसोर्टका जेनेरल म्यानेजर प्रकाश चन्द, ईम्प्याक्ट पोलिनेट ग्रुपका संस्थापक निर्देशक सीता अधिकारी, सिएमटी रिसोर्टका एक्जिक्युटिभ सेफ एवम् बोस्टन कलेजका प्राध्यापक राजन कुमाल, मेघौली सेराई – अ ताज सफारीका एचआर प्रमुख रघुनाथ प्रजापतीसहितका विज्ञहरु सहभागी हुने आज (शुक्रबार) आयोजित पत्रकार सम्मेलनमा जानकारी दिइएको हो ।

- ADVERTISEMENT -

यसैबीच, बिएचएम अभिमुखीकरण कार्यक्रम यही सेप्टेम्बर २२ र २३ मा डिलक्स फाइभ स्टार होटेल काठमाडौँ मेरियटमा हुने कलेजका अध्यक्ष आनन्द बहादुर चन्दले बताए । कलेजमा बिएचएममा भर्ना हुने विद्यार्थीका लागि कम्तिमा ४०० घण्टा भन्दा बढी पेड वर्क उपलब्ध गराउने, १८ महिनाको इन्टर्नसिप कार्यक्रममा सहभागी गराइने, पाँचवटा भन्दा बढी पाँचतारे होटलको अध्ययन भ्रमण गराइने चन्दको भनाइ छ ।

त्यस्तै, विद्यार्थीहरुलाई निःशुल्क फ्रेन्च र चाइनिज भाषाको अध्यापन गराउँदै रोजगारीको सतप्रतिशत व्यवस्था गरिने उनले बताए ।