अछाम / अछामको साँफेबगर नगरपालिका–८ मटेनामा जिप दुर्घटना हुँदा ११ जना घाइते भएका छन् ।
विद्यार्थीको जिल्ला सम्मेलनका लागि अछाम सदरमुकाम मङ्गलसेन जाँदै गरेको सु.प.प्र. ०१००१ ज.१२३८ नं.को जिप अनियन्त्रित भई सडकको नालीमा पल्टिएर दुर्घटना हुँदा ११ जना घाइते भएको प्रहरीले जनाएको छ ।
- ADVERTISEMENT -
घाइते हुनेहरुमा क्रमशः चौरपाटी–१ का १९ वर्षीया कल्पना थापा, देवकी थापा १८ वर्षीया लक्ष्मी साउँद, साँफेबगर–४ का १७ वर्षीया पूजा सुनार छन् ।
यस्तै, चौरपाटी–२ का २९ वर्षीय लोकेन्द्र बहादुर साउँद, १८ वर्षीय तुल्सी साउँद, १८ वर्षीय प्रेम साउँद, १८ वर्षीय प्रीति साउँद छन् । घाइतेहरूको वयलपाटा अस्पतालमा उपचार भइरहेको छ ।
प्रहरीले जिप चालकलाई नियन्त्रणमा लिई घटनाको बारेमा आवश्यक अनुसन्धान गरिरहेको छ ।
