मकवानपुर / मनहरी गाउँपालिका वडा नम्वर ७, समिडाँडामा आज (बुधबार) बिहानै यात्रुबाहक बस दुर्घटना भएको छ ।
बिहान साढे ४ बजेको समयमा काठमाडौबाट महोत्तरीको लागि छुटेको प्रदेश २–०३–००१ ख ३६२९ नं. को बस आफै अनियन्त्रित भई सडकबाट अन्दाजी १० मिटर तल दाहिने साईडमा पल्टी दुर्घटना भएको मकवानपुरका प्रहरी नायव उपरीक्षक श्याम अर्यालले जानकारी दिए ।
- ADVERTISEMENT -
प्रहरी नायव उपरीक्षक अर्यालका अनुसार, सो दुर्घटनामा परेर ३५ जना घाइते भएका छन् । घाइतेमध्ये पुरानो मेडिकल कलेज भरतपुर चितवनमा २८ जना र मनहरी अस्पताल मकवानपुरमा ३ जनाको उपचार भइरहेको छ ।
घाइते ४ जनाको भने हेटौंडा अस्पतालमा उपचारपश्चात डिस्चार्ज गरिएको प्रहरी नायव उपरीक्षक अर्यालले बताए ।
- ADVERTISEMENT -
उक्त घटनाको बारेमा प्रहरीले आवश्यक अनुसन्धान गरिरहेको बताइएको छ ।
