चितवन / भरतपुर महानगरपालिका वडा नं. ७, विकासचोकमा भारतको टाइल कम्पनी, कजरिया टाईल्सले पाँचौ शोरुमको शुभारम्भ गरेको छ ।
उद्योग वाणिज्य संघ चितवनका अध्यक्ष सुमनकुमार श्रेष्ठ तथा कजरिया ब्राण्ड नेपालका प्रमुख प्रविण सिंहले मध्यनेपालकै ठूलो दावी गरिएको उक्त शोरुमको संयुक्त रुपमा बिहीबार उद्घाटन गरेका हुन् । पशुपति ग्रेनाईट एण्ड टायल्स सप्लायर्समा कजरिया ब्राण्डको शोरुम सञ्चालनमा ल्याइएको हो ।
- ADVERTISEMENT -
कार्यक्रममा भारतको नम्वर वान टायल्स कम्पनी भएकाले टायल्सलाई इञ्जिनियर, निर्माण व्यावसायिक, इन्टेरियर डिजाइनर तथा ग्राहकहरूद्धारा अत्यधिकरुपमा रुचाइएको बताइएको छ । यस शोरुमले आवासीय र व्यावसायिक स्थानहरूका लागि डिजाइन, रङ र टाइलहरूको विविधता प्रदान गर्दै ग्राहकहरूलाई रमाइलो अनुभव प्रदान गर्ने कम्पनीले जनाएको छ ।
एउटै छानामुनि ग्राहकहरूले विभिन्न सिरिज र ‘लाइभ मक–अप’ बाथरूमको अवलोकन गर्नसक्ने व्यवस्था गरिएको सञ्चालक नवराज पोख्रेलले जानकारी दिए । साथै कजारिया टाईल्सले अत्याधुनिक प्रविधि र दिगोपनप्रतिको प्रतिबद्धतासहित ‘द स्टेट अफ द आर्ट कन्टिन्युए टेक्नोलोजी’ प्रयोग गर्दै, कम्पनीले उद्योगमा नयाँ बेन्चमार्कका साथै सटिक, स्थायित्व र सुन्दर ठुला टाइल स्ल्याबहरू उत्पादन गर्दै आएकोमा सोही अनुसारको टायल्स तथा ग्रेनाईन उक्त शोरुममा पाइने अर्का सञ्चालक मोहन पोख्रेलले बताए ।
- ADVERTISEMENT -
प्रत्येक टाइलले खाली ठाउँमा सुन्दरता साथै कम्पनीको वातावरणीय जिम्मेवारीप्रतिको समर्पणलाई पनि झल्काउने कम्पनीका मार्केटिङ म्यानेजर विकाश गौतमले बताए । संचालकद्वय मोहन पोख्रेल र नवराज पोख्रेलले १० करोडको लगानीमा पशुपति टायल एण्ड ग्रेनाईट सप्लायर्स सञ्चालनमा ल्याएका हुन् ।
कार्यक्रममा उद्योग वाणिज्य संघ चितवनका उपाध्यक्ष चिरञ्जीवी सुवेदी, कार्यकारी निर्देशक निल क्षेत्री, नेपाल पत्रकार महासंघ चितवनका सचिव राजेश घिमिरे, विभिन्न टायल्ससम्बन्धी व्यवसायीहरुलगायतको उपस्थिति रहेको थियो ।
