मकवानपुर / थाहा नगरपालिका–३ स्थित त्रिभुवन राजपथमा सोमबार साँझ भएको सडक दुर्घटनामा तीन जना पैदलयात्रीको मृत्यु भएको छ भने अन्य चार जना घाइते भएका छन् ।
बज्रवाराही गोपाली गाउँबाट ठाना बजारतर्फ आउँदै गरेको बा ३ ख ५९९० नम्बरको यात्रुवाहक बस ब्रेक फेल भई अनियन्त्रित हुँदा नेपाल विद्युत् प्राधिकरण कार्यालय नजिकै सडकमा हिँडिरहेका सात जनालाई ठक्कर दिएको थियो ।
- ADVERTISEMENT -
जिल्ला प्रहरी कार्यालय मकवानपुरका अनुसार दुर्घटनामा परी मृत्यु हुनेहरुमा अन्दाजी ४० वर्षीय कृष्ण बलामी, ३८ वर्षीय लोकेन्द्रकुमार ठाकुर तथा सिराहा जिल्ला, औराही गाउँपालिका–१ निवासी रघुनन्दन यादव रहेका छन् ।
दुर्घटनामा गम्भीर घाइते भएका एक जनालाई थप उपचारका लागि काठमाडौंस्थित ट्रमा सेन्टरमा पठाइएको छ भने अन्य घाइतेहरुको पालुङ प्राथमिक स्वास्थ्य केन्द्रमा उपचार भइरहेको छ ।
- ADVERTISEMENT -
प्रहरीले बसका चालक थाहा नगरपालिका–५, वसन्त निवासी २९ वर्षीय राजेश कार्कीलाई नियन्त्रणमा लिएर घटनाबारे थप अनुसन्धान सुरु गरेको जनाएको छ । प्रारम्भिक अनुसन्धानमा बसको ब्रेक फेल भएको कारण दुर्घटना भएको देखिएको छ ।
