चितवन / भरतपुर महानगरपालिका वडा नम्बर २ मा २२ दिने कपाल काट्ने तालिम सम्पन्न भएको छ । वडामा आयोजित एक कार्यक्रमका बीच तालिमको समापन गरिएको छ ।
वडाले युवाहरुलाई स्वरोजगार बनाउने उद्धेश्य सहित कपाल काट्ने आधारभुत तालिम दिएको हो । तारा व्युटी पार्लर एण्ड ट्रेनिङ्ग सेन्टरको सहकार्यमा पहिलो चरणमा ८ जना वडाका युवाहरुलाई तालिम दिईएको अध्यक्ष मनोज रानाभाटले जानकारी दिए ।
- ADVERTISEMENT -
‘हामीले देशमै केही गरौं भन्ने युवालाई लक्षित गरी तालिम दिएका हौं, यसले त्यस्ता युवाहरुको परिवारलाई आयआर्जनमा जोड्न पनि मदत पुग्छ ।’ अध्यक्ष रानाभाटले भने । रानाभाटका अनुसार तालिम लिएका मध्ये एकजना युवालाई यो आर्थिक बर्षमा पसल सञ्चालन गर्न सैलुनमा चाहिने सामाग्री पनि निःशुल्क उपलब्ध गराइनेछ ।
‘यो आर्थिक बर्षमा यो वडामा पसल गर्न चाहने एकजना युवालाई सैलुनमा चाहिने सबै सामाग्री उपलब्ध गराउंँछौ उनले भने, अर्को वर्ष फेरी अर्को युवालाई दिनेछौं । ’तालिममा ट्रेनिङ्ग सेन्टरका तारा गुरुङ्ग र सन्तोष ठाकुरले प्रशिक्षण दिएका थिए ।
- ADVERTISEMENT -
सो अवसरमा बोल्दै प्रशिक्षक ठाकुरले तालिममा सहभागी सबै प्रशिक्षार्थीलाई सैदान्तिक तथा व्यवहारिक तालिम दिएको बताए । प्रशिक्षक ठाकुरले वडा नम्बर २ मा रहेका सरकारी तथा निजी विद्यालयका विद्यार्थीहरुको कपाल काटिएको जानकारी दिए ।
प्रशिक्षार्थी दिपक तामाङ्गले यही पेशा अपनाउन तालिम लिएको बताए । आगामी दिनमा वडाबाटै एडभान्स तालिम पाउने अपेक्षा गरेको उनको भनाई थियो । तालिममा सहभागी सबैलाई प्रमाणपत्र वितरण गरिएको थियो । वडा सदस्य बेलपत्र श्रेष्ठले स्वागत मन्तव्य दिनुएका थिए भने वडा सचिव सचीव तारा लम्सालले सञ्चालन गरिन् ।
कार्यक्रममा वडा सदस्यहरु परशुराम पौडेल, बलराम सिटौला, उर्वशी गोतामे, वडाका कर्मचारी लगायतको सहभागिता रहेको थियो । कार्यक्रम वडा अध्यक्ष मनोज रानाभाटको सभापतित्वमा सम्पन्न भएको हो ।
