चितवन / रत्ननगर नगरपालिका–८ चित्रसारीस्थित बुढी राप्ती खोलामा माछा मार्न गएका एक युवकको गोहीको आक्रमणबाट मृत्यु भएको छ ।
बिहीबार राति ९ बजेको समयमा खोलामा माछा मार्न गएका २७ वर्षीय अबिशेक माझीलाई गोहीले आक्रमण गरेको जिल्ला प्रहरी कार्यालय चितवनका सूचना अधिकारी रवीन्द्र खनालले जानकारी दिए ।
- ADVERTISEMENT -
अबिशेकसँगै माछा मार्न गएका ४५ वर्षीय राजकुमार माझी भने सकुशल रहेको खनालले बताए । गोहीको आक्रमणमा परेका अबिशेकको शव राति १ः२० बजेको समयमा घटनास्थलबाट करिब २०० मिटर तल फेला परेको प्रहरीले बताएको छ ।
